పంచాంగం
తేదీ 30-06-2024, ఆదివారం , శ్రీ క్రోధి నామ సంవత్సరం, ఉత్తరాయణం, జ్యేష్ఠ మాసం, గ్రీష్మ ఋతువు
సూర్యోదయం: ఉదయం 5:32 గంటలకు
సూర్యాస్తమయం: సాయంత్రం 6:37 గంటలకు
తిథి: బహుళ నవమి ప. 1.08 వరకు తదుపరి దశమి
నక్షత్రం: రేవతి ఉ.9.07 వరకు తదుపరి అశ్విని
దుర్ముహూర్తం: సా. 4.35 నుంచి 5.13 వరకు
శుభ సమయం: ఉ. 7.00 నుంచి 9.00 వరకు
రాహుకాలం: సా 4.30 నుంచి 6.00 వరకు
యమగండం: ప. 12.00 నుంచి 1.30 వరకు
రాశి ఫలాలు
మేష రాశి: ప్రణాళికబద్ధంగా ముందుకు సాగాలి. ముఖ్యమైన పనుల కోసం ఎవరిమీద ఆధారపడవద్దు. వ్యాపారంలో ఒడిదుడుకులు కాస్త ఆందోళన కలిగిస్తాయి. పెద్దల సహకారంతో చాలాకాలంగా పెండింగ్ లో ఉన్న పనులు పూర్తవుతాయి.
వృషభ రాశి: చేపట్టిన పనుల్లో విజయం సాధిస్తారు. భాగస్వామ్య వ్యాపారులు వ్యాపార విస్తరణ పై దృష్టి పెడతారు. నూతన వ్యక్తుల పరిచయం ఉపయోగపడుతుంది. గౌరవ ప్రతిష్టలు పెంచుకుంటారు. కుటుంబంలో శుభకార్యాలు జరుగుతాయి.
మిథున రాశి: కొత్త వ్యక్తులు పరిచయం అవుతారు. సత్ప్రవర్తన తో ఇతరులను ఆకట్టుకుంటారు. రాజకీయ రంగాల్లో పనిచేసే వారికి పదవి యోగం ఉంది. బంధుమిత్రులతో ఆనందంగా గడుపుతారు. రుణాలు సకాలంలో చేతికందుతాయి.
కర్కాటక రాశి: ప్రయత్న లోపం లేకుండా చూసుకోవాలి. మనశ్శాంతి లోపిస్తుంది. వాహనాలు నడిపేటప్పుడు జాగ్రత్తగా ఉండాలి. గతంలో ఇబ్బంది పెట్టిన అనారోగ్యం మళ్లీ బాధిస్తుంది. నిర్లక్ష్యాన్ని దరి చేరనీయరాదు.
సింహరాశి: భవిష్యత్తు కోసం కీలక నిర్ణయాలు తీసుకుంటారు. తల్లిదండ్రులతో విభేదించాల్సి రావచ్చు. మనసులో నెలకొన్న గందరగోళం కారణంగా పనులు సకాలంలో పూర్తి చేయలేక పోతారు. రుణదాతల ఒత్తిడి పెరుగుతుంది. ప్రయాణాల్లో జాగ్రత్తగా ఉండాలి.
కన్యారాశి: వివాదాలకు దూరంగా ఉండాలి. కుటుంబ సభ్యులతో విభేదాలు ఆందోళన కలిగిస్తాయి. వ్యాపారులకు ఒత్తిడి పెరుగుతుంది. పాత సమస్యలు మళ్లీ తెరపైకి వచ్చి మరింత ఇబ్బంది పెడతాయి. ఆర్థిక లావాదేవీల విషయంలో జాగ్రత్తగా ఉండాలి.
తులారాశి: ఆరోగ్యం విషయంలో జాగ్రత్తగా ఉండాలి. వివాదాలకు దూరంగా ఉండాలి. సరైన ప్రణాళిక లేకుండా పెట్టుబడి పెట్టినట్లయితే నష్టాలను ఎదుర్కోవాల్సి వస్తుంది. ముఖ్యమైన పనులు పూర్తి చేయడానికి ఆటంకాలు ఏర్పడతాయి. తల్లిదండ్రులతో వ్యక్తిగత సమస్యలను చెప్పుకోవడం వల్ల పరిష్కారం అవుతాయి.
వృశ్చిక రాశి: కుటుంబ సభ్యులతో కలిసి విందు, వినోద కార్యక్రమాల్లో పాల్గొంటారు. నూతన వ్యక్తులు పరిచయం అవుతారు. కానీ వారితో ఎటువంటి వ్యక్తిగత సమాచారం పంచుకోరాదు. తల్లిదండ్రులకు ఇచ్చిన మాటను నిలబెట్టుకునే ప్రయత్నం చేయాలి.
ధనస్సు రాశి: వివాదాలకు దారి తీసే పరిస్థితులకు దూరంగా ఉండాలి.సహోద్యోగి వల్ల పనిలో పొరపాటు జరిగే ప్రమాదం ఉంది. బంధువుల నుంచి ఆర్థిక సాయం అందుతుంది. ముఖ్యమైన పనుల్లో ఇతరుల సలహా తీసుకోరాదు. వాహనాలు నడిపేటప్పుడు జాగ్రత్తగా ఉండాలి.
మకర రాశి: ఉత్సాహంగా పనిచేస్తారు. స్నేహితులతో కలిసి ఆనందంగా గడుపుతారు. కుటుంబంలోని అవివాహితులకు వివాహ యోగ్య సూచనలు ఉన్నాయి. ఉద్యోగస్తులకు ప్రమోషన్లు అందుతాయి. చాలాకాలంగా పెండింగ్ లో ఉన్న పనులు పూర్తి అవుతాయి.
కుంభరాశి: బంధువులతో ఏర్పడిన అపార్థాలు తొలగిపోతాయి. కీలక సమయాల్లో తండ్రి నుంచి మద్దతు లభిస్తుంది. తోబుట్టువుల సాయం అందుతుంది. నూతన వాహన కొనుగోలు సూచనలు ఉన్నాయి. ఇతరులను కించపరిచే విధంగా మాట్లాడరాదు.
మీన రాశి: దీర్ఘకాలంగా నెలకొన్న సమస్యలు పరిష్కారమవుతాయి. జీవిత భాగస్వామికి ఉద్యోగ సూచనలు ఉన్నాయి. వైవాహిక జీవితం ఆనందంగా ఉంటుంది. కానీ జీవిత భాగస్వామి ఆరోగ్యం పట్ల జాగ్రత్తగా ఉండాలి. వాహనాలు నడిపేటప్పుడు జాగ్రత్తగా ఉండాలి. దూర ప్రయాణాలు చేసేటప్పుడు విలువైన వస్తువుల పట్ల అప్రమత్తంగా ఉండాలి.