Kamal Haasan: అవినీతిని అంతం చేయాలనే కథాంశంపై కమల్ హాసన్ (Kamal Haasan) హీరోగా తెరకెక్కిన సినిమా ‘భారతీయుడు’. నాడు బ్లాక్ బస్టర్ హిట్టయిన సినిమా 28ఏళ్ల తర్వాత సీక్వెల్ గా భారతీయుడు2 (Bharateeyudu 2) సినిమా శంకర్ (Shankar) దర్శకత్వంలోనే తెరకెక్కుతోంది. సినిమా జూలై 12న విడుదల కానున్న సందర్భంగా మీడియా చాట్లో పలు విషయాలు పంచుకున్నారు కమల్.
‘భారతీయుడులో నటించడం నాకిష్టం లేదు. కొన్ని పాత్రలు గతంలో నేను పోషించినట్టుగా అనిపించడమే కారణం. కమల్ వద్దని శంకరే చెప్పాలని రెమ్యునరేషన్ పెంచేశా. శంకర్ కు తన కథపై గురి ఎక్కువ. నాతోనే తెరకెక్కించాలని శంకర్ భీష్మించుకున్నారు. నేను పెట్టిన కండీషన్లకు నిర్మాతలు ఓకే చెప్పారు. అద్భుతమే జరిగింద’ని అన్నారు.
‘భారతీయుడు సినిమా 3గంటలకు పైగా రన్ టైమ్ ఉన్నా ప్రేక్షకులు ఆదరించారు. అంతటి శక్తివంతమైన కథ. భారతీయుడు2 కూడా అంతే. భారతీయుడు ఒక రాష్ట్రంలో జరిగే కథ. సీక్వెల్ అన్ని రాష్ట్రాల్లో జరిగే కథ. పాత్రల ప్రభావం పెద్దగా ఉండటంతో భారతీయుడు3 కూడా తెరకెక్కించాలని నిర్ణయించా’మని శంకర్ అన్నారు.