Vidaamuyarchi: అజిత్ (Ajith) హీరోగా మగిళ్ తిరుమేని దర్శకత్వంలో తెరకెక్కుతున్న భారీ సినిమా ‘విడాముయర్చి’ ((Vidaamuyarchi). లైకా ప్రొడక్షన్స్ బ్యానర్లో సుభాస్కరన్ ప్రతిష్టాత్మకంగా నిర్మిస్తున్నారు. త్రిష (Trisha) హీరోయిన్ గా నటిస్తున్న సినిమాకు సంబంధించి సినిమా ఫస్ట్ లుక్ విడుదల చేశారు మేకర్స్. యాక్షన్ కింగ్ అర్జున్ ముఖ్య పాత్రలో నటిస్తున్న సినిమా కోసం అజిత్ అభిమానులు ఎంతో ఆసక్తిగా ఎదురు చూస్తున్నారు. గతంలో వచ్చిన మంగతలో ఈ ముగ్గురూ కలిసి నటించడం.. మళ్లీ కాంబినేషన్ రిపీట్ కావడంతో అంచనాలు పెరిగాయి.
లైకా ప్రొడక్షన్స్ జి.కె.ఎం.తమిళ్ కుమరన్ మాట్లాడుతూ.. ‘లైకా బ్యానర్లో ప్రతిష్టాత్మకంగా విడాముయర్చి చిత్రాన్ని తెరకెక్కిస్తున్నాం. సినిమా కోసం ఎదురు చూస్తున్న అభిమానులు, ప్రేక్షకులకు మంచి సినిమా అందించటమే లక్ష్యంతో భారీగా నిర్మిస్తున్నాం. అందరి అంచనాలు అందుకునేలా సినిమా ఉంటుంది. ఆగస్టులో షూటింగ్ పూర్తి చేసి రిలీజ్ డేట్ తెలియజేస్తా’మని అన్నారు. ఇతర పాత్రల్లో ఆరవ్, రెజీనా కసాండ్ర, నిఖిల్ తదితరులు నటిస్తున్నారు. సినిమాకు సంగీతం మ్యూజిక్ సెన్సేషన్ అనిరుధ్ అందిస్తున్నారు.