Ali: టాలీవుడ్ ప్రముఖ కమెడియన్, వైసీపీ నేత అలీ (Ali) కీలక నిర్ణయం తీసుకున్నారు. తాను రాజకీయాలకు గుడ్ బై చెప్తున్నట్టు కీలక ప్రకటన చేశారు. ఇకపై తాను ఏ పార్టీకి చెందిన వ్యక్తిని కాదని.. అందరిలానే కామన్ మ్యాన్ గానే ఉంటానని స్పష్టం చేశారు. 5ఏళ్లకోసారి ప్రజలు ఓటు వేసినట్టుగానే తానూ లైన్లో నుంచుని ఓటేస్తానని.. ఇకపై తాను సినిమాలే చేస్తానని రాజకీయాలు కాదని తేల్చి చెప్పారు. ఇందుకు సంబంధించి ఆయన ఓ వీడియో విడుదల చేశారు.
గతంలో ఆలీ వైఎస్సార్సీపీ (YSRCP) పార్టీలో చేరారు. ఆ పార్టీ కార్యక్రమాల్లో చురుగ్గా పాల్గొన్నారు. వైసీపీ అధ్యక్షుడిగా జగన్ చేపట్టిన పాదయాత్రలోనూ పాల్గొన్నారు. అనంతరం వైసీపీలో చేరారు. అయితే.. ఎన్నికల్లో ఆలీ ఎమ్మెల్యే టికెట్ ఆశించినట్టుగా వార్తలు వచ్చినా దీనిపై ఆయన ఎటువంటి ప్రకటనా చేయలేదు. కానీ.. గత ప్రభుత్వ హయాంలో ఆలీని ఎలక్ట్రానిక్ మీడియా సలహాదారుడిగా అప్పటి సీఎం జగన్ నియమించారు. ఇప్పుడు పూర్తిగా రాజకీయాలకు దూరమని ప్రకటించి ప్రత్యక్ష రాజకీయాల నుంచి తప్పుకున్నారు.