Chiranjeevi: ప్రభాస్ (Prabhas) హీరోగా నాగ్ అశ్విన్ (Nag Ashwin) తెరకెక్కించిన విజువల్ వండర్ ‘కల్కి 2898 ఏడీ’పై మెగాస్టార్ (Mega Star) చిరంజీవి (Chiranjeevi) ప్రశంసల జల్లులు కురిపించారు. సినిమా టాక్ అద్భుతంగా ఉందని.. ఇంతటి విజయానికి కారకులైన చిత్ర బృందాన్ని అభినందించారు. ఈమేరకు ఆయన సోషల్ మీడియాలో పోస్ట్ చేశారు.
‘కల్కి 2898 ఏడీ (Kalki 2898 AD) సినిమా గురించి మంచి వార్తలు వస్తున్నాయి. సినిమా అద్భుతంగా ఉందనే టాక్ రావడం సంతోషంగా ఉంది. దర్శకుడిగా నాగ్ అశ్విన్ క్రియేటివిటీని అభినందించాల్సిందే. అమితాబ్ బచ్చన్, ప్రభాస్, దీపికా పదుకునే, కమల్ హాసన్ వంటి అగ్ర తారలతో అద్భుతమైన మైథలాజికల్ కథకు ఫిక్షన్ జోడించి భవిష్యత్ కథాంశాన్ని రూపొందించి అబ్బురపరిచాడు’.
‘ఇంతటి గ్రాండియర్ తెరకెక్కించిన నా అభిమాన నిర్మాత అశ్వనీదత్.. సినీ నిర్మాణంలో ఉన్నత విలువలు, అభిరుచి ఉన్న నిర్మాతలుగా రాణిస్తున్న స్వప్నదత్, ప్రియాంక దత్, టీమ్ మొత్తానికి నా అభినందనలు. ఇటువంటి విజయాలతో ప్రపంచ వేదికపై భారతీయ సినిమాను మరింతగా జయకేతనం ఎగురవేయాలని కోరుకుంటున్నా’నని చిరంజీవి అన్నారు.
Hearing fabulous reports about #Kalki2898AD !
Kudos to @nagashwin7 for your creative genius for making this Mytho-Sci-Fi futuristic film with such stellar star cast with @SrBachchan #Prabhas @deepikapadukone & @ikamalhaasan
Hearty Congratulations to my favourite producer…
— Chiranjeevi Konidela (@KChiruTweets) June 27, 2024