పంచాంగం
తేదీ 01- 07- 2024, సోమవారం , శ్రీ క్రోధి నామ సంవత్సరం, ఉత్తరాయణం, జ్యేష్ఠ మాసం, గ్రీష్మ రుతువు
సూర్యోదయం: ఉదయం 5:34 గంటలకు.
సూర్యాస్తమయం: సాయంత్రం 6:38 గంటలకు.
తిథి: బహుళ దశమి ఉ. 10.52 వరకు, తదుపరి ఏకాదశి.
నక్షత్రం: అశ్విని ఉ. 7.47 వరకు, తదుపరి భరణి.
దుర్ముహూర్తం: ఉ. 12.24 నుంచి 1.12 వరకు, తిరిగి మ. 2.46 నుంచి 3. 36 వరకు
శుభ సమయం: ఉ. 6.00 నుంచి 7.00 వరకు.
రాహుకాలం: ఉ 7.30 నుంచి 9.00 వరకు
యమగండం: ప. 10.30 నుంచి 12.00 వరకు
రాశి ఫలాలు
మేష రాశి: సమస్యల నుంచి బయటపడతారు. వ్యాపార విస్తరణకు నూతన ప్రణాళికలు రచిస్తారు. పెద్దల సమక్షంలో కుటుంబ సమస్యలను పరిష్కరించగలుగుతారు. పిల్లల భవిష్యత్తుకు సంబంధించి కీలక నిర్ణయాలు తీసుకుంటారు.
వృషభ రాశి: మానసిక ఒత్తిడి కారణంగా సమస్యలు పెరుగుతాయి. పనిపై దృష్టి పెట్టలేక పోతారు. రుణదాతల ఒత్తిడి పెరుగుతుంది. జీవిత భాగస్వామితో విభేదించే సందర్భాలు ఉన్నాయి. గతంలో చేసిన పొరపాటు మళ్లీ చేయడం వల్ల సమస్యల్లో పడతారు.
మిథున రాశి: ఒడిదొడుకుల కారణంగా వ్యాపారంలో నష్టాలు రావచ్చు. చాలా కాలంగా పెండింగ్ లో ఉన్న పనులు పూర్తవుతాయి. అతిథుల రాక సంతోషాన్నిస్తుంది. స్నేహితులతో కలిసి ఆనందంగా గడుపుతారు. పిల్లలకు సంబంధించి శుభవార్తలు వింటారు.
కర్కాటక రాశి: న్యాయపరమైన వ్యవహారాల్లో పై చేయి సాధిస్తారు. వ్యాపారంలో ఆదాయ వనరులపై దృష్టి పెట్టాలి. దూర ప్రయాణాలు చేయాల్సి రావచ్చు. శ్రమకు తగిన గుర్తింపు లభిస్తుంది. ముఖ్యమైన విషయాల్లో తొందరపాటు పనికిరాదు.
సింహరాశి: నూతన వాహన కొనుగోలుకు మంచి సమయం. అనారోగ్యం ఇబ్బంది కలిగిస్తుంది. దూర ప్రయాణాలు చేయాల్సి రావచ్చు. కొత్త వ్యక్తులు పరిచయం అవుతారు. వారి నుంచి భవిష్యత్తుకు సంబంధించి కీలక సమాచారాన్ని అందుకుంటారు. విద్యార్థులు ఒత్తిడి నుంచి ఉపశమనం పొందుతారు.
కన్యా రాశి: ఇతరులతో సంభాషించేటప్పుడు జాగ్రత్తగా ఉండాలి. పూర్వీకుల ఆస్తి కి సంబంధించిన వివాదాల్లో పై చేయి సాధిస్తారు. కుటుంబ సభ్యుల్లో ఒకరి అనారోగ్యం ఆందోళన కలిగిస్తుంది. ఇంటి బాధ్యతలపై దృష్టి పెట్టాలి. వ్యాపారంలో ఆదాయ మార్గాలను పెంచుకునే ప్రయత్నం చేయాలి.
తులారాశి: కుటుంబ సమస్యలు మానసిక ఒత్తిడిని కలిగిస్తాయి. పనులు పూర్తి చేయడానికి తీవ్రంగా శ్రమించాల్సి ఉంటుంది. బంధుమిత్రులతో విభేదాలు ఏర్పడతాయి. తండ్రి ఆరోగ్యం క్షీణించడం వల్ల ఆందోళనకు గురవుతారు. జీవిత భాగస్వామితో మనస్పర్ధలు పెరుగుతాయి. విద్యార్థులు మరింత ఒత్తిడికి గురవుతారు.
వృశ్చిక రాశి: ఆరోగ్యం విషయంలో జాగ్రత్తలు తీసుకోవాలి. తల్లిదండ్రులతో విభేదించరాదు. కుటుంబ సభ్యుల మాటల వల్ల కలత చెందుతారు. ఎవరికైనా డబ్బు అప్పుగా ఇస్తే అది తిరిగి రావడం కష్టమవుతుంది. కుటుంబంలోని అవివాహితులకు వివాహ ప్రయత్నాలు ఫలిస్తాయి.
ధనస్సు రాశి: అనుకున్న పనులు పూర్తికాక పోవడంతో నిరుత్సాహపడతారు. మానసిక ఒడిదుడుకులు ఆందోళన కలిగిస్తాయి. ముఖ్యమైన పనులు ఎవరికి అప్పగించరాదు. వ్యాపారులకు అనుకోని నష్టాలు సంభవిస్తాయి. దీర్ఘకాలికంగా పెండింగ్ లో ఉన్న ఆస్తి వివాదాలు పరిష్కారం అవుతాయి.
మకర రాశి: నూతన వాహనాలు కొనుగోలు చేయడానికి అనుకూల సమయం. వ్యాపార ప్రయోజనాల కోసం దూర ప్రయాణాలు చేయాల్సి వస్తుంది. కుటుంబ సమస్యల నుంచి ఉపశమనం పొందుతారు. కొన్ని సమయాల్లో మౌనంగా ఉండటం మంచిది. గిట్టని వారి చర్యల కారణంగా మనసు కలత చెందుతుంది.
కుంభరాశి: జీవిత భాగస్వామితో విభేదాలు పెరుగుతాయి. చేపట్టిన పనుల్లో ఆటంకాలు ఏర్పడతాయి. ఆర్థిక సమస్యలు చుట్టుముడతాయి. పరధ్యానం కారణంగా పొరపాటు జరిగి సమస్యల్లో పడతారు. ఆరోగ్యం పట్ల జాగ్రత్త వహించాలి.
మీనరాశి: జీవిత భాగస్వామితో ఆనందంగా గడుపుతారు. చేపట్టిన పనుల్లో విజయం సాధిస్తారు. వ్యాపార విస్తరణలో భాగంగా దూర ప్రయాణాలు చేయాల్సి రావచ్చు. ఎవరితోనూ కుటుంబానికి సంబంధించిన విషయాలు చర్చించకపోవడం మంచిది. వ్యక్తిగత సమాచారాన్ని కూడా గోప్యంగా ఉంచుకోవాలి.