పంచాంగం
తేదీ 20-06-2024, గురువారం , శ్రీ క్రోధి నామ సంవత్సరం, ఉత్తరాయణం, జ్యేష్ఠ మాసం, గ్రీష్మ రుతువు.
సూర్యోదయం: ఉదయం 5:31 గంటలకు.
సూర్యాస్తమయం: సాయంత్రం 6:36 గంటలకు.
తిథి: శుక్ల త్రయోదశి ఉ 6.13 వరకు తదుపరి చతుర్దశి.
నక్షత్రం: అనురాధ సాయంత్రం 5:43 వరకు తదుపరి జ్యేష్ట
దుర్ముహూర్తం: ఉ. 10.00 మంచి 10.48 వరకు, తిరిగి మధ్యాహ్నం 2.48 నుంచి 3.36 వరకు.
శుభ సమయం: ఉ. 11.00 నుంచి 12.00 వరకు.
రాహుకాలం: ప. 1.30 నుంచి 3.00 వరకు.
యమగండం: ఉ 6.00 నుంచి 7.30 వరకు.
రాశి ఫలాలు
మేష రాశి: ప్రగతి పథంలో ముందుకు సాగుతారు. ఉద్యోగులకి బదిలీ, ఇంక్రిమెంట్లు, ప్రమోషన్లు లభిస్తాయి. కీలక సమయాల్లో ఇతరులపై ఆధారపడకపోవడం మంచిది. ముఖ్యమైన పనులను వాయిదా వేయరాదు. పిల్లల కోసం సమయం కేటాయించాలి.
వృషభ రాశి: వివాహం కాని ఈ రాశి వారి కుటుంబ సభ్యులకు వివాహం నిశ్చయం అవుతుంది. ఆకస్మిక ప్రయాణాలు చేయాల్సి ఉంటుంది. గతంలో పోగొట్టుకున్న విలువైన వస్తువులను తిరిగి పొందే అవకాశం ఉంది. తోబుట్టువులతో కలిసి ఆనందంగా గడుపుతారు.
మిథున రాశి: సంపద పెరుగుతుంది. ఆర్థిక సమస్యలు పరిష్కారం అవుతాయి. ఆదాయం బాగుంటుంది. కుటుంబ సభ్యుల అనారోగ్యం ఆందోళనకు గురిచేస్తుంది. అకస్మాత్తుగా ప్రయాణాలు చేయాల్సి ఉంటుంది. విద్యార్థులు ఒత్తిడి నుంచి ఉపశమనం పొందుతారు.
కర్కాటక రాశి: కొత్త విషయాలు నేర్చుకోవాలనే ఆసక్తితో ఉంటారు. కుటుంబంలో సమస్యలు తలెత్తుతాయి. అయినప్పటికీ ఇంటి పెద్దల మద్దతుతో వాటిని పరిష్కరించగలుగుతారు. మీ మంచితనాన్ని అవకాశంగా తీసుకునేవారున్నారు జాగ్రత్త వహించాలి.
సింహ రాశి: చుట్టూ ఉన్న వ్యక్తులతో జాగ్రత్తగా ఉండాలి. వ్యక్తిగత విషయాలను ఎవరితోనూ పంచుకోకపోవడం మంచిది. మొండి బకాయిలు వసూలు అవుతాయి. వ్యాపారం లాభసాటిగా ఉండడం వల్ల ఆర్థిక సమస్యలు తొలగిపోతాయి. గతంలో ఇచ్చిన మాటను నిలబెట్టుకునే ప్రయత్నం చేయాలి.
కన్యారాశి: మిశ్రమంగా ఉంటుంది.అతిథుల రాకతో సంతోషిస్తారు. చాలా కాలం తర్వాత పాత స్నేహితుడిని కలుసుకొని ఆనందంగా గడుపుతారు. సేవా కార్యక్రమంలో పాల్గొంటారు. ఉద్యోగులకు పనిభారం వల్ల ఒత్తిడికి లోనవుతారు. ఆపదలు పెరుగుతాయి.
తులారాశి: ఆదాయ వ్యయాలను సమతుల్యం చేసుకోవాలి. బ్యాంకు నుంచి రుణాలు పొందాలనుకునే వారి ప్రయత్నం ఫలిస్తుంది. భాగస్వామితో విభేదించే ప్రమాదం ఉంది. పెద్దల సమక్షంలో చర్చించుకోవడం వల్ల ఇద్దరి మధ్య మనస్పర్ధలు తొలుగుతాయి.
వృశ్చిక రాశి: పెద్దల ఆశీర్వాదంతో వ్యాపారంలో మంచి లాభాలు గడిస్తారు. ఫలితంగా సంపద పెరిగి ఆర్థిక సమస్యలు తొలగిపోతాయి. తల్లి ఆరోగ్యం పట్ల జాగ్రత్తగా ఉండాలి. ఈ రాశి వారి పిల్లలు ప్రశంసలు, అవార్డులు పొందుతారు.
ధనస్సు రాశి: తొందరపాటు నిర్ణయాలు తీసుకోరాదు. తప్పు దోవ పట్టించేవారు ఉన్నారు. అనాలోచితంగా తీసుకున్న నిర్ణయాలు సమస్యలకు దారితీస్తాయి. కుటుంబంలో నెలకొన్న మనస్పర్ధలు పెద్దల జోక్యంతో పరిష్కారం అవుతాయి.
మకర రాశి: సామాజిక సేవా కార్యక్రమాల్లో పాల్గొంటారు. ముఖ్యమైన పనుల్లో జాప్యం చేయరాదు. పొదుపులో భాగంగా చిన్న మొత్తంలో పెట్టుబడులు పెట్టడానికి అనుకూల సమయం. స్థిరాస్తి కొనుగోలు యత్నాలు ఫలిస్తాయి. చుట్టూ ఉన్న వ్యక్తులతో జాగ్రత్తగా ఉండాలి.
కుంభరాశి: జీవిత భాగస్వామి ప్రవర్తనతో కలత చెందుతారు. ఇదే జరిగితే ఇంటి పెద్దల సమక్షంలో పరిష్కరించుకోవడం మంచిది. వ్యాపారులు తమ వ్యాపారాన్ని పెంచుకోవడానికి ప్రణాళికలు రచిస్తారు. అయితే గిట్టని వారు వాటిని అడ్డుకుంటారు. సమయస్ఫూర్తితో ఆ అడ్డంకులను అధిగమిస్తారు.
మీన రాశి: అనవసరమైన విషయాలు గురించి ఆలోచించి కలత చెందుతారు. ఫలితంగా పనులపై దృష్టి పెట్టలేకపోతారు. తొందరపడి ఎవరికీ వాగ్దానం చేయరాదు. ఆస్తి వివాదాల్లో అతి కష్టం మీద పై చేయి సాధిస్తారు.