పంచాంగం
తేదీ 22- 06-2024, శనివారం , శ్రీ క్రోధి నామ సంవత్సరం, ఉత్తరాయణం, జ్యేష్ఠ మాసం, గ్రీష్మ ఋతువు.
సూర్యోదయం: ఉదయం 5:32 గంటలకు
సూర్యాస్తమయం: సాయంత్రం 6:37 గంటలకు.
తిథి: పూర్ణిమ ఉ. 6.18 వరకు, తదుపరి పాడ్యమి తె. 5.18 వరకు, తదుపరి విదియ
నక్షత్రం: మూల సా.6.44 వరకు తదుపరి పూర్వాషాడ
దుర్ముహూర్తం: ఉ. 6.00 నుంచి 7.36 వరకు
శుభ సమయం: ఉ 10.00 నుంచి 10.30 వరకు
రాహుకాలం: ఉ. 9.00 నుంచి 10.30 వరకు
యమగండం: మ. 1.30 నుంచి 3.00 వరకు
రాశి ఫలాలు
మేష రాశి: చుట్టూ ఉన్నవారిపట్ల జాగ్రత్తగా ఉండాలి. ముఖ్యమైన పనుల విషయంలో అప్రమత్తంగా వ్యవహరించాలి. విద్యార్థులు చదువుపై దృష్టి పెట్టాలి. కీలక సమయాల్లో తోబుట్టువుల సహకారం అందుతుంది. నూతన వస్తువుల్ని కొనుగోలు చేస్తారు.
వృషభ రాశి: కుటుంబ సభ్యుల మధ్య స్వల్ప వివాదం చోటు చేసుకుంటుంది. పారదర్శకంగా వ్యవహరించాలి. వ్యాపారంలో పెట్టుబడి పెట్టాలనుకునేవారు తల్లితండ్రుల సలహా తీసుకోవడం ఉత్తమం. ఆదాయం మెరుగ్గా ఉంటుంది.
మిథున రాశి: అధిక పని ఒత్తిడి కారణంగా అనారోగ్యానికి గురవుతారు. కీలక సమయాల్లో సహోద్యోగుల మద్దతు ఉంటుంది. పిల్లల ప్రవర్తనను గమనిస్తూ ఉండాలి. గతంలో జరిగిన పొరపాటు నుంచి పాఠం నేర్చుకుంటారు. విద్యార్థులు ఒత్తిడి నుంచి బయటపడతారు.
కర్కాటక రాశి: కుటుంబంలో శుభకార్యాలు జరుగుతాయి. భాగస్వామ్య వ్యాపారులు ఒకరి నిర్ణయాలు మరొకరు గౌరవించుకోవాలి. ఇతరులతో ఆలోచనాత్మకంగా మాట్లాడాలి. జీవిత భాగస్వామితో ఆనందంగా గడుపుతారు. పిల్లల ఇష్టాలకు అనుగుణంగా వ్యవహరించడం మంచిది.
సింహరాశి: పాత స్నేహితులను కలుసుకుంటారు. కుటుంబ సభ్యుల నుంచి అందిన ఒక వార్త కలవరపెడుతుంది. స్టాక్ మార్కెట్లో పెట్టుబడి పెట్టాలనుకునే ఆలోచన వాయిదా వేయడం మంచిది. ఉద్యోగులకు ప్రమోషన్ అందుతుంది.
కన్యా రాశి: వ్యాపారులు తెలివిగా వ్యవహరించాలి. భాగస్వామ్య వ్యాపారాలు అంతగా కలిసి రావు. కుటుంబ సభ్యుల నుంచి ఆర్థిక సాయం అందుతుంది. పిల్లలకు సంబంధించి శుభవార్తలు వింటారు. విద్యార్థులు ఒత్తిడి తీసుకోకుండా ఉపాధ్యాయుల సలహాలు పాటించడం మంచిది.
తులారాశి: కుటుంబ సభ్యులకు ఇష్టం లేని పనిచేయడం వల్ల ఇబ్బందుల్లో పడతారు. అది వివాదానికి దారితీస్తుంది. జీవిత భాగస్వామితో ఏవైనా మనస్పర్ధలు ఉన్నట్లయితే చర్చించుకోవడం మంచిది. చెప్పుడు మాటలకు తావివ్వకపోవడం మంచిది.
వృశ్చిక రాశి: కొత్త ఉద్యోగం చేయాలని ఆసక్తితో ఉంటారు. ఉద్యోగంలో మార్పు కోరుకుంటున్న వారు ఆ ఆలోచన వాయిదా వేయడం మంచిది. పెద్ద మొత్తంలో పెట్టుబడి పెట్టాలనుకునే ప్రయత్నం విరమించుకోవాలి. విదేశాల్లో చదువుకోవాలనే కోరిక విద్యార్థులకు శుభవార్తలు అందుతాయి.
ధనస్సు రాశి: గతంలో చేసిన పొరపాట్లు బయటపడటం వల్ల పై అధికారుల ఆగ్రహానికి గురికావాల్సి వస్తుంది. కుటుంబ సభ్యులకు ఇచ్చిన వాగ్దానం నిలబెట్టుకునే ప్రయత్నం చేయాలి. చాలా కాలంగా ఇబ్బంది పెడుతున్న సమస్యలు ఇంటి పెద్దల సమక్షంలో పరిష్కరించుకోవడం మంచిది. గతంలో పెట్టిన పెట్టుబడుల నుంచి వ్యాపారులకు గణనీయమైన ఆదాయం అందుతుంది.
మకర రాశి: మీ ప్రమేయం లేకపోయినా వివాదాల్లో చిక్కుకునే ప్రమాదం ఉంది. గతంలో చేసిన ఒక పొరపాటు బయటపడే అవకాశం ఉంది కాబట్టి చుట్టూ ఉన్న వారిపట్ల జాగ్రత్తగా ఉండాలి. ఆధ్యాత్మిక కార్యక్రమాల్లో పాల్గొని గుర్తింపు తెచ్చుకుంటారు.
కుంభరాశి: కుటుంబంలో శుభకార్యాలు జరుగుతాయి. ఆలోచనలను తల్లిదండ్రులతో పంచుకుంటారు. చిన్ననాటి స్నేహితుల నుంచి ఆహ్వానాలు అందుతాయి. వ్యాపారులు గతం కంటే మెరుగైన ఆదాయాన్ని పొందుతారు. ఆస్తి వివాదాలు కొలిక్కి వస్తాయి.
మీన రాశి: అప్రమత్తంగా ఉండాల్సిన సమయం. పనుల్లో జరిగిన పొరపాటు కారణంగా ఇబ్బందులు ఎదుర్కొంటారు. ఆస్తి వివాదాల్లో ఇతరుల ప్రమేయం లేకుండా చూసుకోవాలి. గిట్టని వారు మీ ప్రతిష్టను దెబ్బతీయడానికి ప్రయత్నిస్తారు. రాజకీయ రంగాల్లో ఉండేవారు ఎవరిని అతిగా నమ్మకపోవడం మంచిది.