పంచాంగం
తేదీ 26- 06-2024, బుధవారం , శ్రీ క్రోధి నామ సంవత్సరం, ఉత్తరాయణం, జ్యేష్ఠ మాసం, గ్రీష్మ ఋతువు
సూర్యోదయం: ఉదయం 5:32 గంటలకు
సూర్యాస్తమయం: సాయంత్రం 6:37 గంటలకు
తిథి: బహుళ పంచమి రా.10.52 వరకు
నక్షత్రం: ధనిష్ట ప. 3.41 వరకు తదుపరి శతభిషం
దుర్ముహూర్తం: ప. 11.36 నుంచి 12.24 వరకు
శుభ సమయం: సా 4.00 నుంచి 5.00 వరకు
రాహుకాలం: ప. 12.00 నుంచి 1.30 వరకు
యమగండం: ఉ 7.30 నుంచి 9.00 వరకు
రాశి ఫలాలు
మేష రాశి: కుటుంబ వాతావరణం ఆహ్లాదకరంగా ఉంటుంది. కీలక సమయాల్లో ఇంటి పెద్దల మద్దతు లభిస్తుంది. వ్యాపారులు మెరుగైన ఆదాయాన్ని పొందుతారు. భాగస్వామితో నెలకొన్న మనస్పర్ధలు తొలగిపోతాయి. వాహనాలు నడిపేటప్పుడు జాగ్రత్త వహించాలి.
వృషభ రాశి: సమయస్ఫూర్తితో అందరినీ మెప్పిస్తారు. కొత్త వ్యక్తులతో పరిచయం ఉపయోగకరంగా ఉంటుంది. కుటుంబ సమస్యలను చొరవ తీసుకుని పరిష్కరించాలి. వ్యక్తిగత సమస్యలను తల్లితో చర్చించడం వల్ల పరిష్కారం లభిస్తుంది. విద్యార్థులు ఒత్తిడి నుంచి ఉపశమనం పొందుతారు.
మిథున రాశి: అనుకోని ప్రయాణాలు చేయవలసి వస్తుంది. జాగ్రత్తగా ఉండాల్సిన సమయం. శక్తికి మించి శ్రమించాల్సి వస్తుంది. అధిక పని భారం కారణంగా ఒత్తిడికి గురవుతారు. గిట్టని వారితో జాగ్రత్తగా ఉండాలి. పెద్దవారితో మాట్లాడేటప్పుడు మౌనం గా ఉండటం మంచిది.
కర్కాటక రాశి: సమస్యలు పెరుగుతాయి. అనుకోని వివాదాల్లో చిక్కుకుంటారు. ఎవరితోనూ వాగ్వాదం చేయరాదు. అనుకున్న ఫలితాలు సాధించడానికి తీవ్రంగా శ్రమించాల్సి ఉంటుంది. కుటుంబంలో మనస్పర్ధలు పెరుగుతాయి. ఆర్థిక పరిస్థితి అంతమాత్రంగా ఉంటుంది.
సింహరాశి: అదృష్ట కాలం. చాలాకాలంగా ఇబ్బంది పెడుతున్న భూ వివాదాలు పరిష్కారం అవుతాయి. కోర్టు కేసుల్లో పై చేయి సాధిస్తారు. భాగస్వామ్య వ్యాపారుల మధ్య చిన్నపాటి విభేదాలు వచ్చినప్పటికీ.. పరస్పరం చర్చించుకోవడం వల్ల అవి తొలగిపోతాయి. ఆర్థిక పరిస్థితి గతంలో కంటే మెరుగ్గా ఉంటుంది.
కన్యా రాశి: అనవసర ఖర్చులు పెరుగుతాయి. చేయని తప్పుకు నింద పడాల్సి వస్తుంది. ఓర్పుతో ఉండాలి. ఆదాయం అంతంత మాత్రంగా ఉంటుంది. సమస్యలు చుట్టుముట్టడం వల్ల మనశ్శాంతి లోపిస్తుంది.
తులారాశి: ఆత్మవిశ్వాసంతో పనిచేయాలి. మంచి ఫలితాలు సాధించడానికి తీవ్రంగా శ్రమించాల్సి ఉంటుంది. అధిక శ్రమ కారణంగా అనారోగ్యం ఇబ్బంది పెడుతుంది. కుటుంబ సభ్యుల ఆరోగ్యం పట్ల జాగ్రత్తగా ఉండాలి. విలువైన వస్తువులను పోగొట్టుకునే ప్రమాదం ఉంది.
వృశ్చిక రాశి: ఇంటి పెద్దల సహకారంతో ముఖ్యమైన పనుల్లో విజయం సాధిస్తారు. వ్యాపారులు గతం కంటే మెరుగైన లాభాలు పొందుతారు. పెద్ద మొత్తంలో పెట్టుబడి పెట్టు పెట్టాలనుకునే వారికి సరైన సమయం. నూతన వస్తు, వాహన కొనుగోలు సూచనలు ఉన్నాయి.
ధనస్సు రాశి: ఆర్థిక సమస్యలు తీరిపోతాయి. ఆదాయ మార్గాలను పెంచుకుంటారు. చాలాకాలంగా కుటుంబంలో నెలకొన్న సమస్యలు పరిష్కారం అవుతాయి. ఆధ్యాత్మిక కార్యక్రమాల్లో పాల్గొంటారు. కీలక సమయాల్లో తోబుట్టువుల మద్దతు లభిస్తుంది.
మకర రాశి: స్నేహితులతో ఆనందంగా గడుపుతారు. కుటుంబ సభ్యులతో కలిసి విందు, వినోద కార్యక్రమాల్లో పాల్గొంటారు. సామాజిక సేవా కార్యక్రమాల్లో పాల్గొని గుర్తింపు పొందుతారు. కొత్త వ్యక్తుల పరిచయం ప్రయోజనకరంగా ఉంటుంది. రుణ ప్రయత్నాలు లాభిస్తాయి.
కుంభరాశి: తప్పుదారి పట్టించే వారు ఉన్నారు. సమయ స్ఫూర్తి తో వ్యవహరించాలి. కీలక సమయాల్లో ఇంటి పెద్దల మద్దతు లభిస్తుంది. వ్యక్తిగత సమాచారాన్ని అపరిచిత వ్యక్తులతో పంచుకోరాదు. ఆర్థిక పరిస్థితి బాగున్నప్పటికీ ఖర్చులు పెరుగుతాయి.
మీన రాశి: గిట్టని వారితో జాగ్రత్తగా ఉండాలి. ఆరోగ్యాన్ని నిర్లక్ష్యం చేయరాదు. సమయానికి నిద్రాహారాలు తప్పనిసరి. భాగస్వామితో నెలకొన్న మనస్పర్ధలు చర్చించుకోవడం వల్ల తొలగిపోతాయి. ఈ విషయంలో మూడో వ్యక్తి జోక్యం మంచిది కాదు. ప్రయాణాల్లో జాగ్రత్తగా ఉండాలి.