పంచాంగం
తేదీ 27- 06-2024, గురువారం , శ్రీ క్రోధి నామ సంవత్సరం, ఉత్తరాయణం, జ్యేష్ఠ మాసం, గ్రీష్మ ఋతువు
సూర్యోదయం: ఉదయం 5:32 గంటలకు
సూర్యాస్తమయం: సాయంత్రం 6:37 గంటలకు
తిథి: బహుళ షష్ఠి రా 8.31 వరకు, తదుపరి సప్తమి
నక్షత్రం: శతభిషం ప. 2.13 వరకు, తదుపరి పూర్వభాద్ర
దుర్ముహూర్తం: ఉ.10.00 నుంచి 10.48 వరకు, తిరిగి ప. 2.48 నుంచి 3.36 వరకు
శుభ సమయం: ఉ 11.00 నుంచి 12.00
రాహుకాలం: ప. 1.30 నుంచి 3.00 వరకు
యమగండం: ఉ 6.00 నుంచి 7.30 వరకు
రాశి ఫలాలు
మేష రాశి: అనుకూల సమయం. చేపట్టిన పనులు సకాలంలో పూర్తవుతాయి. అడ్డంకులు సృష్టించే వారున్నారు. సమయస్పూర్తి తో వారిని ఎదుర్కుంటారు. కుటుంబ సమస్యలు తొలగిపోతాయి. జీవిత భాగస్వామితో ఆనందంగా గడుపుతారు.
వృషభ రాశి: పెద్ద మొత్తంలో పెట్టుబడి పెట్టడానికి అనుకూల సమయం. ఆస్తి వివాదాల్లో జోక్యం చేసుకోకుండా ఉండడం మంచిది. కుటుంబ సభ్యులతో ఆనందంగా గడపడం వల్ల ఒత్తిడి నుంచి ఉపశమనం పొందుతారు. ఆర్థిక వ్యవహారాల్లో పెద్దల సలహాలు పాటించడం మంచిది.
మిథున రాశి: రోజంతా గందరగోళం గా ఉంటుంది. పని భారం కారణంగా ఒత్తిడికి లోనవుతారు. వ్యాపారం లో నష్టాలు సంభవించవచ్చు. ఆర్థిక సమస్యలు చుట్టుముడతాయి. కీలక సమయాల్లో జీవిత భాగస్వామి మద్దతు లభిస్తుంది. ప్రయాణాల్లో జాగ్రత్త.
కర్కాటక రాశి: కుటుంబంలో సమస్యలు వెంటాడతాయి. ఇంటిపెద్దల సహకారంతో వాటిని పరిష్కరిస్తారు. గిట్టని వారికి దూరంగా ఉండాలి. ప్రయాణాల్లో జాగ్రత్త. వ్యాపారులు నూతన ఆదాయ మార్గాలను అన్వేషించాలి. ఎవరితోనూ విభేదించ వద్దు.
సింహ రాశి: మిశ్రమంగా ఉంటుంది. కుటుంబ సమస్యలు కొంత ఇబ్బంది పెట్టవచ్చు. లాభాలు తెచ్చే పెట్టుబడుల కోసం ప్రయత్నించాలి. కుటుంబ సభ్యులతో కలిసి ఆధ్యాత్మిక కార్యక్రమాల్లో పాల్గొంటారు. అపరిచితులతో జాగ్రత్త గా వ్యవహరించాలి.
కన్యా రాశి: ఉద్యోగ ప్రయత్నాల్లో ఉన్నవారు శుభవార్తలు వింటారు. కుటుంబంలో శుభకార్యాలు జరుగుతాయి. ఆర్థిక సాయం చేసేవారున్నారు. వ్యాపార భాగస్వామి కదలికలను గమనిస్తూ ఉండాలి.సంపద పెరుగుతుంది.
తులా రాశి: పెండింగ్ లో పనులు పూర్తి చేయాలనే ఒత్తిడి పెరుగుతుంది. కుటుంబ సమస్యలు కలవర పెడతాయి. ఒత్తిడి నుంచి బయటపడటానికి ఆధ్యాత్మిక కార్యక్రమాల్లో పాల్గొంటారు. వ్యాపారుల ఆదాయం అంతంత మాత్రంగానే ఉంటుంది.
వృశ్చిక రాశి: ప్రతికూల వాతావరణం వల్ల అనారోగ్యానికి గురవుతారు. ఒక ముఖ్యమైన వ్యక్తిని కలుసుకుంటారు. వ్యాపారులు పెట్టుబడి ఆలోచనలు విరమించుకోవాలి. కుటుంబ సమస్యలు ఇబ్బంది కలిగించవచ్చు. పిల్లలతో సరదాగా గడుపుతారు.
ధనుస్సు రాశి: పూర్వీకుల ఆస్తి విషయంలో వివాదాలు తలెత్తవచ్చు. గిట్టని వారి పట్ల అప్రమత్తంగా ఉండాలి. వాహనాలు నడిపేటప్పుడు జాగ్రత్తగా ఉండాలి. గతంలో చేసిన పొరపాట్ల నుంచి పాఠాలు నేర్చుకోవాలి.
మకర రాశి: కొత్త వాహనాన్ని కొనుగోలు చేయాలనుకునేవారు ఆ ఆలోచనలు వాయిదా వేయడం మంచిది. పాత అనారోగ్యం తిరగబెట్టి మిమ్మల్ని ఇబ్బందికి గురి చేయవచ్చు. ఇతరుల సలహాలు వింటే వ్యాపారులు నష్టాలను చవి చూడాల్సి వస్తుంది.
కుంభరాశి: అనుకున్న పనులు వేగవంతంగా పూర్తి అవుతాయి. కుటుంబంలో శుభకార్యాలు జరగడం వల్ల ఇంటిళ్లపాదీ ఆనందంగా గడుపుతారు. ముఖ్యమైన వ్యక్తి కలిసే అవకాశం దొరుకుతుంది. వ్యాపారులు గతంలో కంటే మెరుగైన లాభాలు పొందుతారు. నూతన వస్తు, వాహన కొనుగోలు సూచనలు ఉన్నాయి.
మీన రాశి: సహోద్యోగుల నుంచి అందిన సమాచారం ఆందోళనకు గురిచేస్తుంది. ఆరోగ్య సమస్యలతో ఇబ్బంది పడతారు. భాగస్వామ్య వ్యాపారులు నష్టాన్ని చవిచూస్తారు. విరోధుల పట్ల అప్రమత్తంగా ఉండాలి.