పంచాంగం
తేదీ 28-06-2024, శుక్రవారం , శ్రీ క్రోధి నామ సంవత్సరం, ఉత్తరాయణం, జ్యేష్ఠ మాసం, గ్రీష్మ రుతువు.
సూర్యోదయం: ఉదయం 5:32 గంటలకు.
సూర్యాస్తమయం: సాయంత్రం 6:37 గంటలకు.
తిథి: బహుళ సప్తమి సా. 6.05 వరకు, తదుపరి అష్టమి
నక్షత్రం: పూర్వభాద్ర ప. 12.36 వరకు, తదుపరి ఉత్తరాభాద్ర.
దుర్ముహూర్తం: ఉ.8.24 నుంచి 9.12 వరకు, తిరిగి ప. 12.24 నుంచి 1.12 వరకు.
శుభ సమయం: సా. 5.00 నుంచి 6.00 వరకు
రాహుకాలం: ఉ. 10.30 నుంచి 12.00 వరకు.
యమగండం: మ. 3.00 నుంచి 4.30 వరకు
రాశి ఫలాలు
మేష రాశి: మిశ్రమంగా ఉంటుంది. శుభవార్తలు వింటారు. వ్యాపారంలో మంచి లాభాలు పొందుతారు. ప్రభుత్వం నుంచి రావాల్సిన ప్రయోజనాలు పొందుతారు. పాత అనారోగ్యం మళ్లీ తిరగబడుతుంది. కుటుంబ సభ్యుల్లో ఒకరి అనారోగ్యం ఆందోళన కలిగిస్తుంది. విద్యార్థులు చదువు విషయంలో కాస్త జాగ్రత్తగా ఉండాలి.
వృషభ రాశి: వినూత్న రీతిలో ఆలోచించి అందరు మెప్పు పొందుతారు. ఉద్యోగులకు ప్రమోషన్లు, ఇంక్రిమెంట్లు అందుతాయి. వ్యాపారులు భాగస్వామ్యులతో కొత్త వ్యాపారం మొదలుపెట్టేటప్పుడు జాగ్రత్తగా ఉండాలి. విద్యార్థులు ఒత్తిడి నుంచి ఉపశమనం పొందుతారు.
మిథున రాశి: వ్యాపారులు గణనీయమైన లాభాన్ని పొందుతారు. వేరొకరి సలహాల ఆధారంగా ఎటువంటి నిర్ణయాలు తీసుకోరాదు. కుటుంబ సమస్యలు ఇబ్బంది పెడతాయి. వివాదాల జోలికి పోరాదు. ముఖ్యమైన పనులను వాయిదా వేయకపోవడం మంచిది.
కర్కాటక రాశి: శ్రేయోభిలాషులతో వివాదాలకు దిగకండి. ఉద్యోగులు వివాదాల్లో చిక్కుకునే ప్రమాదం ఉంది. జీవిత భాగస్వామితో ఉన్న మనస్పర్ధలు తొలగించుకునే ప్రయత్నం చేయాలి. ఇంటి పెద్దల సమక్షంలో సమస్యలను పరిష్కరించుకోవడం మంచిది.
సింహరాశి: వ్యాపారులు నష్టాలను చవిచూడాల్సి వస్తుంది. విద్యార్థులకు ఒత్తిడి పెరుగుతుంది. ఎటువంటి ప్రయాణాలు చేయకపోవడం మంచిది. ఒకవేళ చేయాల్సి వస్తే అత్యంత జాగ్రత్తగా ఉండాలి. కుటుంబంలో కొనసాగుతున్న మనస్పర్ధలు మరింత పెరిగే ప్రమాదం ఉంది. జీవిత భాగస్వామితో ఏర్పడిన విభేదాలు తీవ్రమవుతాయి.
కన్యారాశి: ఉదర సంబంధిత అనారోగ్యంతో ఇబ్బంది పడతారు. కావున ఆహార విషయంలో జాగ్రత్త వహించాలి. తప్పుదారి పట్టించే వారు ఉన్నారు. ముఖ్యమైన విషయాల్లో ఎవరి సలహాలు తీసుకోకపోవడం మంచిది. కుటుంబంలోని అవివాహితులకు వివాహ యోగ్య సూచనలు ఉన్నాయి.
తులారాశి: చట్టపరమైన వివాదాల్లో చిక్కుకుంటారు. ఒత్తిడి కారణంగా కీలక సమయాల్లో మంచి నిర్ణయాలు తీసుకోలేక పోతారు. విదేశాల్లో వ్యాపారాలు చేసేవారు ఈరోజు జాగ్రత్తగా ఉండాలి. భాగస్వామ్య వ్యాపారం చేసేవారు పరస్పర అవగాహన ఉండాలి.
వృశ్చిక రాశి: సొంత నిర్ణయాల వల్ల ఇబ్బందులు ఎదుర్కొంటారు. ఇంటి పెద్దల సలహా పాటించడం మంచిది. నూతన పెట్టుబడులు పెట్టకపోవడం మంచిది. ఆస్తి వివాదాలు తీవ్రమవుతాయి. కీలక సమయాల్లో సహనంతో వ్యవహరించాలి. తోబుట్టువుల సహకారం అందుతుంది.
ధనస్సు రాశి: ఆర్థికంగా మెరుగ్గా ఉంటుంది. వ్యాపారంలో మంచి లాభాలు పొందుతారు. ప్రత్యర్థుల పట్ల జాగ్రత్తగా ఉండాలి. చాలాకాలం తర్వాత పాత స్నేహితులని కలుసుకొని ఆనందంగా గడుపుతారు. జీవిత భాగస్వామితో నెలకొన్న మనస్పర్ధలు తొలగిపోతాయి.
మకర రాశి: ఆర్థికంగా ఆదుకునే వారు ఉన్నారు. నూతన ఆదాయ మార్గాలను అన్వేషిస్తారు. ప్రతికూల వాతావరణం ఆరోగ్యం పై ప్రభావం చూపించవచ్చు. ప్రయాణాల్లో జాగ్రత్తలు అవసరం. ఇంట్లో శుభకార్యం జరగడం వల్ల కుటుంబ సభ్యులతో ఆనందంగా గడుపుతారు.
కుంభరాశి: గిట్టని వారి పట్ల అప్రమత్తంగా ఉండాలి. ఆర్థిక పరిస్థితి ఆందోళన కలిగిస్తుంది. విద్యార్థులు చదువుపై మరింత దృష్టి పెట్టాలి. పని భారం వల్ల ఒత్తిడికి గురవుతారు. చాలా కాలంగా మనసులో నెలకొన్న గందరగోళం వల్ల మనశ్శాంతి లోపిస్తుంది.
మీన రాశి: ఆరోగ్యం పట్ల జాగ్రత్త వహించాలి. బయట వ్యక్తులతో ఎటువంటి సమాచారాన్ని పంచుకోరాదు. భాగస్వామ్య వ్యాపారంలో నష్టపోవాల్సి రావచ్చు. ఆస్తి వివాదాలను పరిష్కరించుకునే దిశగా ప్రయత్నించాలి. ఎవరితోనూ వాగ్వాదం పెట్టుకోకపోవడం మంచిది.