ఇదేదో బాగుందే అని అనుకునే సినిమా ” నింద “: దర్శక నిర్మాత రాజేష్ జగన్నాథం

కొత్త బంగారులోకం, హ్యాపీ డేస్ సినిమాలతో యూత్ కి చేరువయ్యారు వరుణ్ సందేశ్. కొంతకాలంగా ఆయనకు సరైన హిట్స్ లేవు. ఈసారి గేర్ మార్చి థ్రిల్లర్ మూవీతో ప్రేక్షకుల ముందుకు వస్తున్నారు. ఆయన నటించిన ” నింద ” ‘కాండ్రకోట మిస్టరీ’ అనేది ట్యాగ్ లైన్. ఈనెల 21న ఈ చిత్రం ప్రేక్షకుల ముందుకి రానుంది. రాజేష్ జగన్నాథం దర్శకత్వం వహిస్తూ ఈ సినిమాని నిర్మించారు. ప్రమోషన్ లో భాగంగా ఏర్పాటు చేసిన మీడియా సమావేశంలో దర్శకనిర్మాత రాజేష్ మాట్లాడుతూ..

‘ ఫిలిం మేకింగ్ మీద ఉన్న ఇంట్రెస్ట్ తో విదేశాల్లో ఉద్యోగం వదిలి ఇండియాకి వచ్చాను. ‘ నింద’ కథ రెడీ చేసుకుని వరుణ్ సందేశ్ కి చెప్పగానే ఓకే చేశారు. ఈ క్యారెక్టర్ ఆయనకు సెట్ అవుతుందని, ఈ సినిమా మంచి కమ్ బ్యాక్ లా అవుతుందని భావించాను. నిర్మాత కోసం ఎంత ప్రయత్నించినప్పటికీ దొరకకపోయేసరికి కథ మీద నమ్మకంతో నేనే నిర్మాతగా మారాను. మలయాళ సినిమాలు చూసి మన దగ్గర ఇలాంటి సినిమాలు ఎందుకు రావని అనుకుంటూ ఉంటారు. కానీ “నింద” చూసిన తర్వాత ఆ ఫీలింగ్ మారుతుంది. ఇదేదో బాగుందే.. బాగానే తీసారే అనుకునేలా ఉంటుంది. ఈ సినిమాకి మంచి టీం దొరికింది. పీఎస్ వినోద్ దగ్గర అసిస్టెంట్ గా పనిచేసిన రమీజ్ ఈ చిత్రానికి కెమెరామెన్ గా పనిచేశారు. విశాల్ చంద్రశేఖర్ వద్ద పనిచేసిన శాంతు ఓంకార్ మంచి బిజిఎం, మ్యూజిక్ ఇచ్చారు. ఈ సినిమా విడుదల తర్వాత నెక్స్ట్ ప్రాజెక్టులు ప్రకటిస్తాను’ అని అన్నారు.