షాకింగ్: యువకుడి బ్లాడర్ లోకి ఇయర్ ఫోన్ – ఎక్కడి నుంచి వెళ్లిందంటే.!

అది గౌహతిలోని ఓ ప్రైవేటు ఆస్పత్రి.. డాక్టర్ వల్లియుల్ ఇస్లాం దగ్గరకు ఓ 30 ఏళ్ల వయసున్న వ్యక్తి కడుపులో నొప్పి అంటూ వచ్చాడు. అతడిని పరీక్షించిన ఇస్లాంకు గ్యాస్ట్రిక్ట్ కు సంబంధించి ఎలాంటి సమస్యా కనిపించలేదు. ఎక్స్ రేలో ఆ యువకుడి బ్లాడర్ (మూత్రాశయం)లో ఇయర్ ఫోన్ కేబుల్ ఉన్నట్టు కనిపించింది. అది లోపలకు ఎలా వెళ్లిందని అడగ్గా.. పొరపాటున తాను మింగేశానంటూ బదులిచ్చాడు. కానీ డాక్టర్ ఇస్లాం నమ్మలేదు. ఎన్నిసార్లు అడిగినా అతడు అబద్ధమే చెప్పాడు. చివరకు అసలు విషయం చెప్పడంతో ఆయన ఆశ్చర్యపోయారు. అనంతరం ఆ యువకుడికి ఆపరేషన్ చేసి దానిని బయటకు తీశారు.

తర్వాత ఈ విషయాన్ని తన ఫేస్ బుక్ లో పోస్టు చేశారు. ‘‘ఇదో ఆశ్చర్యకరమైన శస్త్రచికిత్స. డాక్టర్ గా నా 25 ఏళ్ల అనుభవంలో ఇలాంటి కేసు చూడలేదు. నా శస్త్రచికిత్స నైపుణ్యానికే ఇది సవాల్ గా నిలిచింది. 30 ఏళ్ల యువకుడు కడుపు నొప్పి అంటూ నా దగ్గరకు వచ్చాడు. అతడిని పరీక్షంచాను. కానీ గ్యాస్ట్రిక్ట్ కి సంబంధించి ఎలాంటి సమస్యా కనపడలేదు. అనంతరం ఎక్స్ రే తీయించడంతో సెల్ ఫోన్ కేబుల్ వంటిది అతడి బ్లాడర్ లో కనిపించింది. దీంతో ఆ యువకుడికి ఆపరేషన్ చేసి దానిని విజయవంతంగా బయటకు తీశాను. ప్రస్తుతం అతడు కోలుకుంటున్నాడు. ఇంతకీ అది అతడి బ్లాడర్ లోకి ఎలా వెళ్లిందో మీరు ఊహించగలరా? అది అతడి రహస్యాంగం నుంచి లోపలకు వెళ్లింది. లైంగికపరమైన ఆనందం పొందే క్రమంలో అతడు దానిని తన రహస్యాంగం లోపలకు చొప్పించడంతో అది బ్లాడర్ లోకి వెళ్లిపోయింది’’ అని డాక్టర్ ఇస్లాం తన ఫేస్ బుక్ లో వివరించారు.

దీనికి సంబంధించిన ఎక్స్ రేతోపాటు ఆయన ఆపరేషన్ చేస్తున్న వీడియోను కూడా పోస్టు చేశారు. రహస్యాంగంలోకి చిన్న చిన్న వస్తువులు లేదా ద్రవాలను చొప్పించడం ద్వారా కొంతమంది లైంగికపరమైన ఆనందం పొందుతారని, హస్తప్రయోగంలో ఇదో రకమని ఆయన వివరించారు. ఈ యువకుడికి అలాంటి అలవాటే ఉందని, ఆ క్రమంలోనే తన ఇయర్ ఫోన్ కేబుల్ ను అలా చొప్పించుకున్నాడని పేర్కొన్నారు. అది జరిగిన ఐదు రోజుల తర్వాత తన దగ్గరకు వచ్చినట్టు తెలిపారు. మొత్తానికి ఈ కేసు సోషల్ మీడియాలో వైరల్ గా మారింది.