‘గామి’ ఇలాంటి ప్రయోగాత్మక చిత్రంతో అలరించిన మాస్ హీరో విశ్వక్ సేన్.. మరో ప్రయోగంతో రెడీ అయిపోయారు. విభిన్న పాత్రలు ఎంచుకుంటూ ప్రేక్షకులకు దగ్గరైన విశ్వక్ ఈసారి ‘ లైలా ‘ అంటూ అమ్మాయిలా మారి అందరికీ షాక్ ఇచ్చారు. ఈ సినిమాకు సంబంధించి ఫస్ట్ పోస్టర్ ని మేకర్స్ విడుదల చేశారు. ఇందులో విశ్వక్ తన మెస్మరైజింగ్ లుక్ తో ఆకట్టుకుంటున్నారు. ఈ పోస్టర్ సోషల్ మీడియాలో వైరల్ అవుతోంది. ఇప్పటివరకు మాస్ లుక్ లో కనిపించిన విశ్వక్.. ఒకసారిగా లేడీ గెటప్ లో కనిపించేసరికి ఫ్యాన్స్ ఆశ్చర్యపోతున్నారు. మాస్ ఇమేజ్ సొంతం చేసుకున్న ఆయన.. ఇలాంటి పాత్రను ఎంచుకుని ఏ హీరో చేయని సాహసం చేస్తున్నారంటూ కామెంట్లు పెడుతున్నారు.
‘లైలా ‘ సినిమాని రామ్ నారాయణ్ తెరకెక్కిస్తున్నారు. షైన్ స్క్రీన్స్ బ్యానర్ పై సాహూ గారపాటి నిర్మిస్తున్నారు. ఆకాంక్ష శర్మ ఈ సినిమాతో హీరోయిన్ గా పరిచయమవుతోంది. తనిష్క్ బాగ్చి, జిబ్రాన్ సంయుక్తంగా సంగీతం అందిస్తున్నారు. ఈరోజు పూజా కార్యక్రమం జరుపుకున్న ఈ సినిమా షూటింగ్ త్వరలో మొదలుకానుంది. వచ్చే ఏడాది వాలెంటైన్స్ డే సందర్భంగా ఫిబ్రవరి 14న ఈ సినిమాను విడుదల చేయనున్నట్లు మేకర్స్ వెల్లడించారు.