NTR awards: మహానటుడు, స్వర్గీయ ఎన్టీఆర్ (NTR) పేరుతో “కళావేదిక ఎన్టీఆర్ ఫిల్మ్ అవార్డ్స్-2023” (NTR awards) అవార్డుల ప్రధానోత్సవ కార్యక్రమం హైదరాబాద్ లో ఘనంగా జరిగింది. “కళావేదిక”(R.V.రమణ మూర్తి), ” రాఘవి మీడియా” ఆధ్వర్యంలో జరిగిన కార్యక్రమంలో ముఖ్య అతిథులుగా నందమూరి మోహన్ కృష్ణ, నందమూరి మోహన రూప, మురళి మోహన్ (Murali Mohan) తోపాటు ప్రముఖులు పాల్గొన్నారు. సినీ రంగంలో పలు విభాగాల్లో రాణించిన నటీనుటులకు అవార్డులు అందజేశారు.
మురళీమోహన్ మాట్లాడుతూ.. ‘ఎన్టీఆర్ గారి పేరుమీద అవార్డ్స్ అందజేయడం సంతోషించే విషయం. సినీ, రాజకీయ రంగాల్లో విశిష్ట సేవలు అందించిన వ్యక్తి. నాకు ఎన్టీఆర్ ఫిలిం లైఫ్ టైం అచీవ్మెంట్ అవార్డు ఇవ్వడం ఆనందంగా ఉంద’ని అన్నారు.
నందమూరి మోహన కృష్ణ మాట్లాడుతూ.. ఎన్టీఆర్ అనే పేరు సినీ, రాజకీయ రంగాల్లో సంచలనానికి మారుపేరు. అలాంటి మహానుభావుడికి కొడుకుగా పుట్టడం అదృష్టంగా భావిస్తున్నాను. ఎన్టీఆర్ పేరు మీద ఫిలిం అవార్డ్స్ అందిస్తున్నందుకు అభినందిస్తున్నా’నని అన్నారు.
ఎన్టీఆర్ ఫిలిం అవార్డ్స్ గెలుచుకున్నవారిలో ఉత్తమ నటుడిగా.. ఆనంద్ దేవరకొండ, ఉత్తమ దర్శకుడిగా సాయి రాజేష్ తదితరులు అవార్డులు అందుకున్నారు.