ఇదిగో ఆంధ్ర ప్రదేశ్ ఉప ముఖ్యమంత్రి కొణిదెల పవన్ కళ్యాణ్ ఇక్కడున్నారు.! ఆయన్ని ఆంధ్ర ప్రదేశ్ అసెంబ్లీ గేటు కూడా తాకనివ్వబోమన్నవాళ్ళు ఇప్పుడెక్కడున్నారు.? ఆంధ్ర ప్రదేశ్ అంతటా జరుగుతున్న చర్చ ఇది.
మాజీ మంత్రులు ఆర్కే రోజా, కొడాలి నాని, అంబటి రాంబాబు, పేర్ని నాని, గుడివాడ అమర్నాథ్, దాడిశెట్టి రాజా.. ఇలా చెప్పుకుంటూ పోతే, లిస్టు చాలా పెద్దది.! చాలా చాలా పెద్దది.! అలా ‘అతి’ చేసిన ఏ వైసీపీ నేత కూడా ఇప్పుడు ఆంధ్ర ప్రదేశ్ అసెంబ్లీ గేటు తాకే పరిస్థితి లేదు.
ఈ రోజు ఉదయం, ఆంధ్ర ప్రదేశ్ ఉప ముఖ్యమంత్రి కొణిదెల పవన్ కళ్యాణ్, బాధ్యతల్ని స్వీకరించారు. తొలి సంతకం కూడా చేసేశారు.! నిన్ననే విజయవాడలోని క్యాంపు కార్యాలయాన్నీ, సచివాలయాన్నీ ఉప ముఖ్యమంత్రి పవన్ కళ్యాణ్ సందర్శించిన సంగతి తెలిసిందే.
ప్రోటోకాల్ ప్రకారం ఉప ముఖ్యమంత్రికి తగిన భద్రతని కల్పించారు. ఆ కాన్వాయ్.. ఆయన వెంట నడిచిన జనం.. ఇదంతా చూసి, వైసీపీ నేతల పరిస్థితి ఏమైపోయి వుండాలి.? మరీ ముఖ్యంగా, వైఎస్ జగన్ మోహన్ రెడ్డి పరిస్థితేంటి.?
రాజకీయాల్లో గెలుపోటములు సహజం.! అందుకే, ఎవరూ విర్రవీగిపోకూడదు. రాజకీయ విమర్శలు సహజమే కావొచ్చు. కానీ, అత్యంత జుగుప్సాకరమైన విమర్శలు, అభ్యంతరకర వ్యాఖ్యలు.. వీటన్నిటికీ కాలం చెప్పాల్సిన రీతిలో సమాధానం చాలా గట్టిగా చెబుతుంది.
ఇప్పటికీ పవన్ కళ్యాణ్ మీద నీలి కూలీలు సోషల్ మీడియా వేదికగా అభ్యంతరకర వ్యాఖ్యలు చేస్తూనే వున్నారు. అలాంటివాళ్ళపై కూటమి ప్రభుత్వం తగిన చర్యలు తీసుకోవాల్సి వుంది.
అన్నట్టు, ఆంధ్ర ప్రదేశ్ అసెంబ్లీ సమావేశాలకు రంగం సిద్ధమైంది. ‘అసెంబ్లీ గేటు కూడా తాకనివ్వం’ అని సవాల్ చేసిన వైసీపీ నేతలెవరైనా, ట్రై చేసుకోవచ్చు.. ఉప ముఖ్యమంత్రి హోదాలో కొణిదెల పవన్ కళ్యాణ్, అసెంబ్లీలోకి సగర్వంగా అడుగుపెట్టబోతున్నారు.. ఆయన్ని అడ్డుకునేంత సీన్ వైసీపీలో ఎవరికైనా వుందా.?