Prithviraj Sukumaran : మలయాళ సినీ ఇండస్ట్రీలో మోస్ట్ ఫేమస్ స్టార్ పృథ్వీరాజ్ సుకుమారన్. ఈయన దర్శకుడిగా నటుడిగా మల్టీ ట్యాలెంటెడ్ అనిపించుకున్న సందర్భాలు చాలానే ఉన్నాయి. దర్శకుడిగా వరుస సినిమాలు చేస్తూనే ఒకేసారి పది పదిహేను సినిమాల్లో నటిస్తున్న ఘనత ఆయనకు ఉంది.
ప్రస్తుతం ప్రభాస్ హీరోగా ప్రశాంత్ నీల్ దర్శకత్వంలో రూపొందుతున్న సలార్ లో నటిస్తున్న పృథ్వీరాజ్ సుకుమారన్ ఒక ప్రమాదంలో తీవ్ర గాయాల పాలయ్యాడు. విలాయత్ బుద్ద షూటింగ్ కోసం ఆర్టీసీ బస్సులో యాక్షన్ సన్నివేశాలు చిత్రీకరిస్తున్న సమయంలో ప్రమాదవశాత్తు జారి పడ్డాడట. దాంతో కాలికి తీవ్ర గాయం అయ్యింది.
కాలికి అయిన గాయం కారణంగా పృథ్వీరాజ్ సుకుమారన్ కనీసం మూడు నెలల విశ్రాంతి తీసుకోవాల్సిన అవసరం ఉందని వైద్యులు సూచించారట. నేడు కాలికి సర్జరీ చేయబోతున్నారు. సర్జరీ తర్వాత ఆయన పరిస్థితిపై వైద్యులు అధికారికంగా ఒక ప్రెస్ నోట్ ను విడుదల చేసే అవకాశాలు ఉన్నాయని కేరళ మీడియా సంస్థలు కథనాలు రాస్తున్నాయి.