Ram Charan: గ్లోబల్ స్టార్ రామ్ చరణ్ (Ram Charan) హీరోగా శంకర్ (Shankar) దర్శకత్వంలో తెరకెక్కుతున్న సినిమా ‘గేమ్ చేంజర్’ (Game Changer). దిల్ రాజు నిర్మాత. సినిమా నేపథ్యం రివీల్ కాకపోయినా.. రామ్ చరణ్-శంకర్ కాంబినేషన్ కావడంతో సినిమాపై అంచనాలు పెరిగిపోయాయి. అయితే.. సినిమా షూటింగ్ మాత్రం నెమ్మదిగా జరుగుతోందనేది వాస్తవం. దాదాపు రెండేళ్లుగా రామ్ చరణ్ ఇదే ప్రాజెక్టుపై ఉండిపోయారు. మరో సినిమానీ ప్రారంభించలేక పోయారు. దీంతో అభిమానుల్లో తీవ్ర నిరాసక్తత నెలకొంది. ఇప్పుడీ సినిమాపై శంకర్ ఇచ్చిన అప్డేట్ వారిలో ఉత్సాహాన్ని నింపుతోంది.
భారతీయుడు2 సినిమా ప్రమోషన్లో ఎదురైన ప్రశ్నకు.. ‘గేమ్ చేంజర్ షూటింగ్ చివరి దశలో ఉంది. 10-15 రోజులు షూటింగ్ బ్యాలెన్స్ ఉంది. భారతీయుడు2 విడుదల తర్వాత శరవేగంగా పోస్ట్ ప్రొడక్షన్ పూర్తి చేసి వీలైనంత త్వరగా విడుదల తేదీ ప్రకటిస్తా’మని అన్నారు. దీంతో.. సినిమా దసరాకు రావొచ్చని అభిమానులు చర్చించుకుంటున్నారు. రామ్ చరణ్ నుంచి ఆర్ఆర్ఆర్, ఆచార్య తర్వాత సినిమా రాకపోవడంతో అభిమానులు గేమ్ చేంజర్ పై భారీ ఆశలు పెట్టుకున్నారు.
Hello mates, how is all, and what you wish for to say about
this article, in my view its actually awesome in favor of me.